Assim seria o celeiro de Busto, Ancares, restaurado

Busto é umha aldeinha galega de Ancares que se atopa no concelho de Navia de Suarna.
Este vilarelho  tem ainda restos das construções de planta circular com origem celta chamadas celeiros ou palheiras, que se cadra em tempos foram palhoças habitadas.

Dende Piornedo Ceive, e com vontade de inspirar esta o outras moitas restaurações, a través de infografía dixital; re-interpretamos a foto deixamos o que para nos sería o ideal.
Por desgracia o estado actual é iste; ainda que por sorte nom se apresenta totalmente em ruinas, e os seus muros estam intactos.

As palhoças da Fonsagrada, as grandes esquecidas

Nem Xunta, nem deputaçom, nem fundaçom comarcal, nem concelhos som quem de fazer-se cargo da proteçom necessaria que precissam as palhoças, so Piornedo de Ancares e O Cebreiro som as unicas aldeias nas que existe um plan de conservaçóm que ainda é pouco para a importancia destas construções.
Mais em toda a comarca da Fonsagrada tampouco existe ningumha iniciativa dos propios donos; tanto vizinhos coma herdeiros emigrados olham cara outro lado (cando nom dificultam) enquanto as nossas palhoças, patrimonio antergo e celta de tod@s @s galeg@s, vam esmorecendo co passo do tempo.
Dende Piornedo Ceive e, ca missom do estudo e conservaçóm do teito vegetal galego, temos artelhado varios contatos cos mesmos o longo dos ultimos dez anos co motivo de adquirir as mesmas e ponher em andamento os processos de restauraçóm; sem nenhum resultado positivo.

No entanto, nom nos damos por vencidos e seguiremos a luitar pola conservaçóm destas palhoças e celeiros que semelham nom lhe importarem a ninguem.

Outro ponto de vista para a Palhoça de Paradela , Navia de Suarna - Galiza

Paradela é umha aldeia, um vilarelho coma tantos do concelho de Navia de Suarna, Comarca de Ancares; e ainda que se atopa numha situaçóm privilegiada num alto agalimado de ventos e com boas vistas sobre o sistema de vales do rio Navia e ca serra de Picos de Ancares coma horizonte; ainda que está relativamente bem situada a borda da estrada que vai a Pobra de Navia polo alto do Restelo, ainda todo isso Paradela passa inadvertida.
Com umha arquitectura fondamente deturpada ou em estado ruinoso, uns bosques cheos cada vez mais de eucaliptos e cos poucos vizinhos que lhe restam recelosos de visitas; Paradela é outra aldea galega mais com todas as papeletas para rematar ou bem deshabitada por completo, ou bem perdendo a pouca personalidade e historia que ainda conserva.

Embora desde Piornedo Ceive, coidamos que pode chegar a existir outra Paradela bem distinta,  sendo umha das portas de bemvida os Ancares e a Fonsagrada, com um pequeno bar/venda de produtos locais, para tod@ aquel que se achegue a comarca por issa via.
Imaginade, so por uns intres, a palhoça
 teitada, sendo ponto de referencia, e mesmo de parada obrigada, com umha pequena barra dentro, e um postinho de agasalhos e produtos locais, tirando canhas de cerveja e ponhendo cafes nas mesinhas de fora no vrão, ou um luminho dentro no inverno... Quem de vos nom pararia, o iria de pe feito para tomarlhe umha???

Que? Fazemos umha "Paradela" ???

"O caminho faise andando"